Қазалы Qazaly.kz ақпараттық агенттігі
» » 086/у медициналық анықтамасын алу тегін болады ма?

086/у медициналық анықтамасын алу тегін болады ма?

Азаматтар жұмысқа орналасар кезінде ақылы түрде өтіп келген 086/у үлгісіндегі медициналық анықтаманы алу тегін бола ма?

Бұл сауалға бүгінгі баспасөз мәслихатында Денсаулық сақтау вице-министрі Олжас Әбішев жауап берді. Медициналық сақтандыру аясында 086/у үлгісіндегі медициналық анықтаманы алу жылына бір рет тегін болатын болды. Біз 2019 жылдың аяғында 086/у анықтамасын толығымен жоюды жоспарлаған едік. Сол бойынша Цифрлық даму министрлігімен бірлесе отырып, басқа органдармен барлық құжаттарды мақұлдадық. Қазіргі күні қол қойылды. Алдымыздағы сәуір-мамыр айларында оны толығымен электронды түрге айналдырамыз. Және де жылына бір рет медициналық-профилактикалық тексерісті әр азамат жыл сайын өтіп тұру қажет. Ол жылына бір рет және тегін болады, - деп мәлімдеді Денсаулық сақтау министрінің орынбасары Олжас Әбішев. Ол кез келген мемлекеттік органға жұмысқа орналасу кезінде немесе көлік жүргізу куәлігін алатын болса тек қана автоматты түрде жүйеге рұқсат жіберіледі.
Сізге ол үшін поликлиникаға немесе ауруханаға барудың қажеті жоқ. Ол толығымен алынып тасталады, - деді вице-министр баспасөз брифингінде.

06 қаңтар 2020 ж. 1 307 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031