Еліміздің үш облысында дабылды ескерту жарияланды

Қызылорда облысында тұман түсіп, Маңғыстау және Батыс Қазақстан облыстарында жел күшейеді

Қызылорда, Маңғыстау және Батыс Қазақстан облыстарында дабылды ескерту жарияланды. Бұл туралы "Қазгидромет" РМК сайтында жарияланды. 

Синоптиктердің болжауынша, 5-7 ақпан аралығында Қызылорда облысының кей жерлерінде тұман түседі.  5 ақпанда Маңғыстау облысының кей жерлерінде оңтүстік-шығыстан соққан жел секундына 20 метрге дейін күшейеді.

   

5 ақпанда Батыс Қазақстан облысының басым аумағында 17-22 м/с жылдамдықпен жел соғып, екпіні 25 м/с жетеді, кей жерлерде бұрқасын, көктайғақ болады. 

Естеріңізге сала кетейік, бүгін атмосфералық фронттардың өтуіне байланысты Қазақстанның басым бөлігінде қар жауып, бұрқасындатады, тек оңтүстік-батыста, оңтүстікте, солтүстікте, солтүстік-батыста ауа райы жауын-шашынсыз болады. Кей жерлерде тұман түсіп, көктайғақ болады, жел күшейеді.