Бизнеске жүктемені түбегейлі төмендету, оңтайлы және тиімді реттегіш жүйені қалыптастыру мақсатында кәсіпкерлік қызметті «таза парақтан» реттеудің жаңа тәсілдері қалыптастырылып жатыр. Оның ішінде мемлекет пен кәсіпкерліктің өзара іс-қимылының базалық қағидаттарын жетілдіру, талаптарды белгілеу шарттары, реттеушілік апелляция институты, эксперименттік құқықтық режим, міндетті талаптар тізілімі, есептілік, бақылаудағы тәуекел-талдауды автоматтандыру, мемлекеттік бақылауды жетілдіру шаралары қамтылған. Бүгінгі таңда тиісті заң жобасы барлық мемлекеттік органмен келісіліп, Үкіметтің қарауына енгізілді, - деді Әсет Ерғалиев.

Оның айтуынша, 2021 жылға арналған экономикалық өсуді қалпына келтіру жөніндегі өзектендірілген кешенді жоспар шеңберінде 60-тан астам қолдау шарасы көзделіп отыр.

Атап айтқанда, бизнеске жүктемені азайту, оның ішінде бірқатар салықтық жеңілдік және салықтық әкімшілендіруді жеңілдету; кәсіпкерлердің қаржыландыруға қол жетімділігін жеңілдету; сұраныстағы нарықтарға қол жеткізу; «Smart» реттеу кәсіпкерлік саласында жаңа реттеу саясатын енгізуді көздейтін заңды әзірлеу мен қабылдауды қамтитын болады, - деді министр.

Айта кетсек, Цой әлеуметтік-экономикалық нысандарға қатысты қандай шектеулер алынып тасталғанын айтты.