Жұмыссыздық көрсеткіші 5 пайызға тұрақтады
Өткен жылы аудан бойынша экономиканың түрлі саласында 1128 жаңа жұмыс орындары ашылды. Оның 978-і тұрақты. Нәтижесінде жұмыссыздық деңгейі 5,1 пайыздан, 5 пайызға төмендеді.Жыл көлемінде 30 мүгедек тұрақты жұмысқа орналасып, 16-ы ақылы қоғамдық жұмысқа, 6-ы жастар практикасына, 5-і әлеуметтік жұмыс орнына жіберілді.Биыл аудандық бюджеттен 8 млн. теңге бөлінді, оған мүмкіндігі шектеулі балаларды тасымалдау үшін Газель автокөлігі алынатын болады.
«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған» бағдарламасының үш бағыты бойынша жоспарланған жұмыстар толығымен орындалды.
Биыл аталған бағдарламаның тек үшінші бағыты аясында атқарылатын жұмыстардың өзіне бюджеттен 117,6 млн. теңге қаралып отыр.
