Ақтан батыр ауылы

Қызылорда облысы Қазалы ауданындағы ауыл, Көларық ауылдық округінің орталығы.

Әйтеке би кентінен оңтүстік-батысқа қарай 35 км жерде орналасқан.

1959-1996 жылдары күріш өсіретін 22 партсъезд атында кеңшардың орталығы болып келді. Кеңшар негізінде Ақтан Батыр ауылында және округке қарасты Мырзабек, Шерекен елді мекендерінде 1996 жылы шаруа қожалықтары құрылды. Ақтан Батыр аталуы осы өңірдегі Түлкіқашқан деген жерде (Сырдарияның Тілесарық тармағы бойында) 1770 жылы дүниеге келген Ақтан батырдың есімімен байланысты.