Су – тіршілік көзі
Халықты сапалы ауыз сумен қамтамасыз ету де күн тәртібінде тұрған өзекті мәселенің бірі. Себебі, су – барлық тіршіліктің көзі.Аудан әкімі Мұрат Ергешбаев су мәселесі туралы сөз қозғады. – «Негізінен, барлық ауылға таза ауыз су жеткізілген. Дегенмен, 10 ауылда(Ақтан батыр, Басықара, Бекарыстан би, Жалаңтос батыр, Жалпақ, Жанқожа батыр, Майдакөл, Мұратбаев, Пірімов, Түктібаев)сервистік желі тартылмаған болатын. Өткен жылы4 ауылды(Ақтан батыр, Мұратбаев, Пірімов, Жалаңтөс батыр)осы жүйеге қостық»,– деді ол.
Айта кетейік, бұған дейін аудандағы барлық ауылға су тарататын резервуардың көлемі жеткіліксіз болды. Осы мәселені шешу мақсатында өткен жылы Әйтеке би кентіндегі №7 су көтеру бекетінен қосымша су қоймасы салынды. Ол биыл іске қосылады. Сол кезде су көлемін 21 мың текше метрге жетіп, барлық елді мекенге тәулік бойы таза ауыз сумен қамтамасыз етілмек.
