Қазалы Қазалы аудандық қоғамдық-саяси газет
» » Жаңа мешіттің іргетасы қаланды

Жаңа мешіттің іргетасы қаланды

Қашан да жарқын істердің жаршысы болып жүрген Жанқожа батыр ауылында жаңа мешіттің іргетасы қаланды. Ғибадатхананың алғашқы кірпішін қалау салтанатына аудан әкімінің орынбасары Әлімжан Жарылқағанов, аудандық ардагерлер кеңесінің төрағасы Оразғали Бекбанов, көршілес Ақтан батыр ауылының бір топ ақсақалдары мен батыр есімін иемденген елді мекен тұрғындары қатысты.
Жиында Әлімжан Мұратбайұлы игілікті бастамаға сәттілік тілеп, ел мүддесіне бағытталған осы сауапты істің басталуына үлес қосқан халыққа шынайы алғысын жеткізді.
Бұдан соң Оразғали Бекбанов барша ақсақалдар атынан имандылық үйінің жас ұрпақты адамгершілікке тәрбиелеу жолында ерекше орны бар екенін тілге тиек етті.
Заманында мешіт ұстап, aдaмдaрды емдеген және жоқ-жітікке қaрaсқан, қиналғанда қорғaны болғaн Сарқұл Аққозыұлының құрметіне тұрғызылып жатқан жаңа мешіттің құрылысы ауыл тұрғындарының бастамасымен қолға алынып жатқанын айта кеткен жөн.
«ҚАЗАЛЫ» ақпарат
25 тамыз 2018 ж. 1 139 0

Жаңалықтар мұрағаты

«    Қаңтар 2022    »
ДсСсСрБсЖмСбЖс
 12
3456789
10111213141516
17181920212223
24252627282930
31 
  • Қытайда екі миллиардтан астам вакцина салынды