Ресей ғалымдары гепатит В-ге қарсы жаңа дәрі жасап шығарды. Ол вирусты бауыр жасушасы ішінде жоюға қабілетті. Яғни, сырқатты созылмалы ауру түрінен құтқаратын дәрі. Аталған дәріні 2019 жылдан бастап сынақтан өткізе бастайды. Егер сынақтан сәтті өтсе, дәріні бес жылдан соң пациенттерге қолданады. Бұл жайында орыстардың «Известия» ақпарат көзі хабар тараттты. Қазіргі уақытта фармакологияда тек вирустан болатын ауруда басатын дәрі ғана бар. Вирустың өзін өлтірмейтін дәрі ғана қолданыста жүр қазіргі уақытта. "Осы уақытқа дейін вирус геномын түбегейлі жою техникалық тұрғыдан мүмкін емес болған еді. Біздің дәрінің әсері CRISPR/Cas9 жүйесіне негізделген",- деді "Роспотребнадзор" маманы Владимир Чуланов. Осылай дей келе ол бұл дәрінің адам денсаулығына қауіпті еместігін жеткізді.

Гепатит В — әлі күнге емі табылмаған бауыр инфекциясы. Адамның денсаулығы мен өміріне аса қауіпті. Ол адамды бауыр циррозына немесе бауыр обырына шалдықтыруы мүмкін созылмалы инфекцияға ұрындыруы мүмкін дерт. Гепатит В-ге қарсы екпе 1982 жылдан бері бар. Оның инфекцияның, созылмалы аурудың, бауыр обырының алдын алудағы тиімділігі 95%-ды құрайды.