Жерді магниттік дауыл басты
![](https://kaz.tengrinews.kz/userdata/news_kk/2022/news_333435/thumb_m/photo_93859.png)
Ресей ғылым академиясы Физика институтының күн рентген астрономиясы зертханасының веб-сайтында магниттік дауыл 30 қаңтарда күннің орташа күші - М класының ұзаққа созылған өршуіне байланысты болғаны айтылған.
2022 жылдың қаңтары соңғы бірнеше жылдағы геомагниттік оқиғаларға толы айлардың бірі болғаны айтылған. Мамандар Күнде белсенділік жоғарылағанын байқаған. Бұл жағдайда Күн циклі ерте кезеңінде болады және Күн белсенділігінің шыңы тек 2023 жылдың ортасында күтіледі.
Магниттік дауылдарды бес деңгейде жіктейді. G1-ден G5-ке дейін. Әлсіз дауыл электр жүйелерінің жұмысында шамалы ақаулар тудыруы мүмкін, сонымен қатар құстар мен жануарлардың қоныс аудару жолына әсер етуі мүмкін деп саналады. Күшті дауылдар қысқа толқындық байланыстың және навигациялық жүйелердің жұмысының бұзылуына, сондай-ақ өнеркәсіптік желілердегі кернеудің бұзылуына әкеледі.