– Жер бетінде Мәскеу уақытымен таңғы сағат 1-де (Нұр-Сұлтан уақыты бойынша 04:00) соңғы жылдардағы ең үлкен магниттік дауылдардың бірі басталды. Соңғы күндері баяу төмендеп келе жатқан геомагниттік белсенділік индексі түн ортасынан кейін бірден 7-деңгейге (ең жоғары мәні 9) өсті, бұл 5 балдық шкала бойынша үшінші деңгейдегі магниттік дауылға сәйкес келеді, – делінген хабарламада.

Ғалымдар болжам бойынша Жердің магнит өрісінің тұрақсыздығы кем дегенде 2-3 күн сақталатынын жеткізді. Ғалымдар жаңа магниттік дауылдың себебін екі күн бұрын болған M1.7 деңгейіндегі күн алауымен байланыстырады. Биылғы жылы Жерде ең үлкен полярлық сәулелер тіркелді.