Facebook: Ресейлік агенттіктер вакцинаға қарсы жалған ақпарат таратады
Facebook Ресейден жүргізілген дезинформация науқандарына қатысқан жүздеген аккаунтты өшірді.Компания аккаунттар желісінің Үндістанға, Латын Америкасына, АҚШ-қа және басқа аймақтарға бағытталғанын айтты.
"Олар халықтың Ковид-19 вакциналарына деген сенімін төмендету үшін жалған мәлімдемелер таратуға тырысты" деп мәлімдеді Facebook өкілдері.
Facebook ресейлік компаниялар мен жалған ақпарат тарату науқандары арасындағы байланысты тапқанын жариялады. Facebook сонымен қатар "AdNow" деп аталатын ресейлік компанияның құрамына кіретін "Fazze" маркетингтік агенттігі жалған ақпаратқа қатысты екенін айтты.
Өткен айда BBC ағымдағы жылдың мамырында ресейлік "Fazze" агенттігі "Pfizer" вакцинасы туралы жалған мәлімдемелер тарату үшін ықпалды блогерлерге ақша ұсынғанын хабарлады.
