Facebook әлеуметтік желісі қосымшаларға қолданушылардың мәліметтерін алуға тыйым салды. Бұл туралы компания өкілдері айтты, деп хабарлайды Baq.kz ақпарат агенттігі kapital.kz сайтына сілтеме жасап.

«Facebook бағдарламалық интерфейстерді қолданатын қосымшаларға жазбалар мен қонақтар тізімі туралы мәліметті иемденуге тыйым салды. Болашақта біз рұқсат берген және талаптарымызға толықтай сай келген қосымшалар ғана қолданушылардың мәліметтеріне қол жеткізе алады», — делінген компания хабарламасында.

Сондай-ақ, әлеуметтік желі қосымшаларға қолданушылардың діни және саяси көзқарасы, отбасылық жағдайы және жұмысы мен білімі туралы ақпаратты көруге тыйым салатын болады.