Қазалы Qazaly.kz ақпараттық агенттігі
» » Ұн тапшылығын тартқан Түрікменстанда халық кебекке таласып жатыр

Ұн тапшылығын тартқан Түрікменстанда халық кебекке таласып жатыр

Түрікменстанда ұн тапшылығына байланысты халық арасында кебекке сұраныс артты. Ақпанның ортасында Дашоғыз облысында түсірілген видеода кебекке таласқан бірнеше тұрғынды көруге болады, деп хабарлайды Вaq.kz ақпарат агенттігі Азаттық басылымына сілтеме жасап.
Кебек барлығына жетпей қалуы мүмкін деген қауіппен қап арқалап келген халық автокөліктің үстіне ұмтылады.
Түрікменстанда 2017 жылы азық-түлік бағасы күрт көтерілді. Әсіресе ұн қымбат. Өйткені елде егін аз жиналған. Оның үстіне ауыл шаруашылығының өнімділігі төмендеді. 2017 жылы мамырда ел президенті осындай мәселе барын ресми түрде мойындап, ауыл шаруашылығына жауапты вице-премьерді жұмыстан шығарған.
Билік бірнеше жыл бойы ұн тапшылығын білдірмей келген. Бірақ соңғы жылдары мұнай бағасы төмендеп кеткен соң, үкімет шетелден азық-түлік сатып алуды азайтқан.
Өткен жылы желтоқсан айында ұн бағасы екі есе қымбаттап кетті. Елде жоғары сортты ұн сатып алу мүмкін болмай қалды. Сол себепті ақпан айының басында Түрікменстан билігі ұнды артығымен алуға тыйым салған.
Ұн тапшылығы әсіресе елдің солтүстік өңірлеріндегі Дашоғыз облысында қатты сезіледі. Мұнда қазір адам басына бес келіден артық ұн сатып алуға болмайды.
28 ақпан 2018 ж. 1 648 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031