Жырлайды жүрек
Бүгінгі өскелең ұрпақтың бойына ақын өлеңдерін сіңіру мақсатында Ы.Алтынсарин атындағы №204 мектептің кітапхана меңгерушісі Ұлдана Ақбайдың ұйымдастыруымен ақиық ақын М.Мақатаевтың туған күніне орай «Жырлайды жүрек» атты кітапхана сағаты өтті .Шараға бастауыш сынып оқушылары ықыласпен қатысты. Мектепалды даярлық тобының тәрбиеленушісі Кәусар Едіге «Отан туралы», 3 сынып оқушылары Бақдаулет Майданбаев «Соқ жүрек», Назым Ғабит «Шеше, сен бақыттысың», 4 сынып оқушысы Нурима Айғара «Автограф» өлеңдерін нақышына келтіре оқып берді.
Бүкіл саналы өмірінде елінің болашағын жырлап өткен халқына деген махаббатын поэзия да ғана емес өмірде де, күресте де, үлкен азаматтықпен қорғай білген М.Мақатаев мұралары ешқашан өлмек емес және оны жаттап өту біздің парызымыз. Жылдар тізіліп өткен сайын ақынның бейнесі биіктей түседі. «Ғасыр ақыны» атанған Мұқағали жырлары жылдан-жылға, ғасырдан- ғасырға жалғаса бермек.
Ләззат БЕКЖАНОВА,
Ы.Алтынсарин атындағы
№204 мектептің мұғалімі
Ы.Алтынсарин атындағы
№204 мектептің мұғалімі
