Ақиық ақын Мұқағали Мақатаевтың туылған күніне орай Бекарыстан би ауылдық мәдениет үйінің ұйымдастыруымен «Сағынады Мұқаңды сыздап жүрек...» атты ақын шығармашылығына арналған поэ­зия кеші өтті.

Шарада ауылдық ардагерлер кеңесінің төрағасы Б.Садуов, Ү.Түктібаев атындағы №24 орта мекте­бінің директоры Ә.Сәдіров сөз сөйлеп, ақын шығарма­шылығына тоқталды. Кеш барысында мәде­ниет үйі жанындағы драма үйірмесінің мүшелері ақын өмірінен композициялық қойылым көрсетсе, жас ақындар жүректен шыққан жырын арнады. Өнерпаздар ақын сөзіне жазылған әсем әндерді домбырамен әуелете орындады.