Суретшілер байқауы өтті

Конституция күні мерекесіне орай Қызылорда облыстық сотының ұйымдастыруымен судьялар мен сот қызметкерлерінің балалары арасында «Менің Қазақстаным» тақырыбында сурет салудан шығармашылық байқау өткізілді.

Іс-шараның мақсаты, өсіп келе жатқан ұрпаққа патриоттық тәрбие беру, Отанға деген сүйіспеншілікті ұғындыра білу.

Шараны ашқан облыстық соттың судьясы Шолпан Маликова ұжымның атынан балаларға зор денсаулық, өз елінің мықты, ақылды және беделді азаматтары болуға тілек білдіріп, байқауға сәттілік тіледі.

Іс-шараға 6-10 жас аралығындағы балалар қатысып, олар өз суреттерін бар ынталарымен салды.

Байқаудың қатысушыларына сыйлықтар табысталып, арнайы дипломдар тапсырылды.