Қызылордада «Қазақстанның үздік тауары» байқауының жеңімпаздары анықталды
Сыр өңірінде Қызылорда облысының әкімдігі мен Кәсіпкерлер палатасының ұйымдастырумен «Қазақстанның үздік тауары» атты облыстық көрме-байқауы өтті, деп хабарлайды atameken.kz.Биыл көрме-байқауға 34 кәсіпкер қатысты. Жыл өткен сайын кәсіпкерлер байқауға қатысуға белсенділігі артып келеді. Кәсіпкерлердің арасында өткен жылы ғана «Бастау» жобасына қатысып, білімін жетілдіріп, кәсібін ашқан жандар бар. Олар алған білімінен нәтиже көрсетіп, өнімдерін халыққа ұсынуда.
«Қазақстанның үздік тауары» көрме-байқауын ұйымдастыруда биылғы жылы айтарлықтай өзгерістер бар. Мәселен, биылғы жылдан бастап шараны өткізуді облыс әкімдігі қаржыландыруда.
Облыстық көрме-байқау жеңімпаздары осы жылдың қазан айында Астана қаласында өтетін республикалық көрме-байқауға қатысады. Биыл республикалық байқау жеңімпаздарын анықтау құралдарының бірі ретінде онлайн-дауыс беру жүйесі енгізілуде.
