Көктемнің сыйы – Әз Наурыз
Кәукей ауылы №225 оқу ордасында да көктем мерекесін лайықты қарсы алды. Мерекеге арналған қабырға газеттерінде «наурыз» тарихы жазылып, оқушылардың арнау өлеңдерінен үзінді беріледі. Биыл мектебімізде мектепалды даярлық тобы мен 4 сынып арасында ұлыстың ұлы күніне арналған үлкен іс-шара өткізілді. Қазақтың наурыз көжесі таратылып, оқушылар сахнада қойылым жасады. Айтысты сүйетін ақын оқушыларымыз жиылған халықты бір мәз қылды. Қаражорға биінің түбін түсірген бүлдіршіндер көрерменді ерекше сүйсіндірді. Қазақы ырым тиымдар айтылып, асық ату, күрес сынды ұлттық ойындарымызда қалыс қалмады. Жүрекке жылуын таратқан көктемнің сыйы Наурыз осылайша аталып өткізілді.
Лаура БАЙКАЗАКОВА,
№ 225 орта мектептің мұғалімі Кәукей ауылы.
