Ұлыстың ұлы күні Наурыз мерекесіне орай Абай ауылдық кітапханасында «Кең болсын қазағымның керегесі, құтты болсын Наурыз мерекесі!» атты ойын-сауық кеші өткізілді.

Бұл шара шәкірттерге Наурыз мейрамы жөнінде түсінік беру, халқымыздың салт-дәстүрін бойларына дарыту, шынайылыққа, адамгершілікке, ұлтжандылыққа тәрбиелеу және ұлттық ойындарды насихаттауға арналды.

Ұлттық киім киінген балғындардың бір-бірімен ақжарқын жүзбен төс қағыстырып көрісуімен басталған салтанатта 5 сынып оқушылары «Тұсау кесер» дәстүрін, «Тымақ ұру», «Бүркіт», «Ақ сандық пен көк сандық», «Аударыспақ» ұлттық ойындардын көрсетті. «Балдырған» би тобы «Ұршық» биін билесе, Амантай Жәния «Қазағымның дәстүрлері-ай» әнін орындады. Сонымен бірге Әсел Молдаш «Ұлтымыздың ұлық тойы осындай» өлеңін нақышына келтіре оқыды. Кеш соңында дастархан жайылып, наурыз көжеден дәм татылды.