"Жыр жауһар" атты жыршы-термешілер фестивалі өтті
Жанқожа батыр ауылдық мәдениет Үйінің ұйымдастыруымен ҚР тұңғыш президенті Н.Ә.Назарбаевтың "Ұлы даланың жеті қыры" бағдарламасы аясында, Жанқожа Нұрмұхаммедұлының 245 жылдығына орай, Ұлттық домбырамызды насихаттауға байланысты "Жыр жауһар" атты аудандық жыршы - термешілер фестивальін өткізді.Фестиваль екі кезең бойынша өткізілді. Бірінші кезеңде термешілер белгілі ақын - жыраулардың жыр - өсиеттерін, арнау - толғауларын орындады. Екінші кезеңде еркін тақырып бойынша өнер көрсетті. Фестивальге қалалық және ауылдық округтерден 10 жыршы - термешілер қатыстырылды. Жанқожа батыр ауылынан жыршы Кеңес Ердәулетов, Қазалы қаласынан термеші Даража Тұрмағамбетова, Меруерт Айбекқызы, Бекарыстан би ауылынан Байғали Еркемай, Өркендеу ауылынан жыршы Болатбек Рсалиев және термешілер Ақселеу Әбдуәли, Айғаным Қойшыбай,Түктібаев ауылынан Нұрым Базарбай, Ақсуат ауылынан Махамбетжанов Байкелді, Қожабақы ауылынан Елтай Айда қатысып өнерлерін көрсетіп, халықтың ыстық ықыласына бөленді. Фестивальге қатысқан барлық өнерпаздарға қаржылай сыйлық берілді.
"ҚАЗАЛЫ" ақпарат
