Қазгидромет: Еліміздің басым бөлігінде қар жауады
Республиканың кей аудандарында көктайғақ болып, тұман түседі. Синоптиктер 9 ақпанға арналған ауа райы болжамын жариялады, деп хабарлайды Экспресс К.
Жамбыл облысының солтүстік-шығысы мен таулы аймақтарында тұман түсіп, көктайғақ болады.
Маңғыстау облысының оңтүстік-шығысында жел секундына 15-20 метрге дейін соғады.
Қостанай облысының шығысында бұрқасын соғып, облыстың солтүстігінде, шығысында тұман түседі. Түнде облыстың шығысында желдің жылдамдығы секундына 15-20 метрге дейін күшейеді.
Батыс Қазақстан облысының оңтүстік-батысы мен батысында бұрқасын соғып, көктайғақ болады.
Ақмола облысының солтүстігінде, шығысында, Түркістан облысының оңтүстігінде, батысында, таулы және тау бөктерлі аудандарында, Ақтөбе облысының солтүстігінде, оңтүстік-шығысында тұман түсуі ықтимал.
Солтүстік Қазақстан облысының оңтүстік-батысында және батысында бұрқасын болып, облыстың оңтүстік-шығысында тұман түседі.
Алматы облысының оңтүстігі мен шығысында тұман түсіп, көктайғақ болады.
Павлодар облысының батысы мен солтүстігінде, Қарағанды облысының солтүстігі мен шығысында, Шығыс Қазақстан облысының солтүстігінде және Қызылорда облысының солтүстігінде және орталығында тұман түседі.
