Болашағыңды есірткіге байлама
Фото: freepik.comӨмірге – Иә! Есірткіге – Жоқ! Құрметті жас буын! Бүгінгі қоғам алдында тұрған ең өзекті мәселелердің бірі – есірткіге тәуелділікпен күрес. Есірткі адам өмірін ғана емес, оның болашағын, армандарын, отбасы мен қоғамдағы орнын жойып, тағдырын тәлкекке айналдырады. Бір сәттік қызығушылық немесе басқалардың ықпалы өмір бойы өкіндіретін қадамға әкелуі мүмкін.
Сондықтан әрбір жас салауатты өмір салтын таңдаудың маңызын терең түсінуі тиіс. Өмір – баға жетпес қазына, ал оның әр күні үмітке, мақсатқа, жаңа бастамаларға толы. Біз болашағы жарқын, санасы сергек, еркін ойлы қоғам құрамыз десек, есірткіден алыс жүру – басты міндет. Жастардың күші білімде, еңбекте, талпыныста. Әрқайсымыз өз таңдауымыз арқылы өз тағдырымызды қалыптастырамыз.
Сол себепті бүгін, ертең және әрдайым: Өмірге – «Иә» деп, есірткіге – «Жоқ» деп айтайық! Болашағыңды қорға, дұрыс таңдау жаса! Есірткісіз қоғам – қауіпсіз қоғам. Әр жас өз денсаулығын, уақытын, мүмкіндігін бағалай білуі қажет. Біздің күшіміз – бірлікте, жанашырлықта және жауапкершілікте. Өз болашағыңа сен, өміріңді қадірле, өз таңдауыңмен өзгеге үлгі бол. Бұл жол — сенің ең маңызды өмірлік таңдауың екенін ұмытпа.
Диас ҚАЙЫРЖАН,
Қызылорда облысы
Қазалы ауданы
Ақтан батыр ауылы
№190 орта мектебі
8 – сынып оқушысы
