Үндеу хат
Біз – байтақ еліміздің болашағынан үміт күтер перзенттеріміз. Біздің әлі көптеген армандарымыз бар. Біз сол армандарымызға қол жеткізу үшін еңбек етуіміз керек. Біз ұзақ өмір сүргіміз келеді.Осы орайда Өмірге «Иә»», «Есірткіге «Жоқ» – деп ұран айтамыз.Қазақстан – тарихы тереңде жатқан егеменді мемлекет. Біз сол егеменді мемлекетте есірткісіз өмір сүргіміз келеді. «Есірткісіз өмір ғажайып!» ұранын қолдай отырып, біз жарқын болашақтың ұрпақтарына үндеу жариялаймыз!
Біз
-денсаулықтың адамзаттың ең қасиетті де құнды ,еш нәрсеге айырбастай алмайтын асыл қазына екенін түсінуді;
- есірткі – ғасыр жауы екенін және сол ауруды ауыздықтауға күш салуды;
- салауатты өмір салтын арттыруды қолдаймыз!
Қазақстанның әрбір азаматы Салауатты өмір салтын насихаттау, келеңсіз жағдайлардың алдын алып, «21 ғасыр салауатты –қоғам ғасырын» құрып, сол ғасырдың мықты иесі болуы тиіс!
Біз басқа елдермен теңесіп, алдыңғы қатарлы елдер қатарынан табылуымыз үшін рухы биік, жан-дүниесі таза, адамгершілігі мол ұрпақ болуымыз керек!
Біз Қазақстан жастарын
- есірткіге елігіп, өз балалық шағына балта шаппауға;
-дені сау жас ұрпақты қолдауға;
-еліміздің болашағын жақсартуға бар күш- жігерін салуға
ШАҚЫРАМЫЗ!
Нұрасыл АРАЛХАН,
Ғ.Мұратбаев атындағы №17 орта мектептің 7 ә сынып оқушысы
