Қазақстанда тамыз айының басында ауа райы қандай болады
Фото: istockҚазақстанда тамыз айы ыстық ауа райымен басталады. Дегенмен ауа райы тосынсыйсыз болмайды. Кей өңірлерде ауа температурасы +40 градусқа дейін көтерілсе, басқа аймақтарда нөсер жаңбыр, бұршақ және екпінді жел күтіледі, деп хабарлайды Ulysmedia.kz.
ҚАЙ ӨҢІРЛЕРДЕ ЖАҢБЫР ЖАУАДЫ
1-3 тамыз аралығында ауа райы құбылмалы болады. Қазгидрометтің болжамынша, жауын-шашын негізінен қысқа мерзімді болып, кей жерлерде ғана жауады. Ең көп әсер солтүстік пен орталық өңірлерге тиеді. Бұл аймақтарда синоптиктер нөсер жаңбыр, бұршақ және екпінді жел болатынын болжап отыр.
АПТАП ЫСТЫҚ САҚТАЛАДЫ
Ең жоғары температура оңтүстік, оңтүстік-шығыс, шығыс және орталық облыстарда сақталады. Күндіз ауа температурасы +35...+40 градусқа дейін көтеріледі.
Батыс өңірлерде ауа райы 1 тамыздан бастап өзгере бастайды. Температура аздап төмендейді, алайда бәрібір осы кезеңге тән қалыпты деңгейден жоғары болады.
