Қазақстанда 46 градусқа дейін ыстық болады
Фото:depositphotos.com"Қазгидромет" синоптиктері 16, 17 және 18 шілдеге арналған ауа райы болжамын ұсынды, деп хабарлайды Tengrinews.kz.
Жаңбыр мен найзағай қай жерлерде күтіледі?
Синоптиктердің болжамыншы, 16-18 шілде аралығында солтүстік-батыс циклоны мен онымен байланысты атмосфералық фронттардың өтуіне байланысты Қазақстанның батысында, солтүстігінде, орталығында және шығысында ауа райы құбылмалы болады. Жаңбыр жауып, найзағай ойнайды, ал 16 және 17 шілдеде кей жерлерде қатты жауын-шашын күтіледі. Бұршақ жауып, дауылды жел тұруы мүмкін.
Жауын-шашын аясында Қазақстанның батысында аптап біртіндеп басыла бастайды. Күндіз ауа температурасы +22...+35 градус болады, солтүстікте температураның +21...+36 градусқа дейін қысқа мерзімді төмендеуі күтіледі.
Аномальды аптап қай жерлерде сақталады?
Қазақстанның орталық және шығыс облыстарында +41 градусқа дейін өте қатты аптап сақталады.
Ең ыстық ауа райы Қазақстанның оңтүстігінде, оңтүстік-шығысында және кей жерлерде оңтүстік-батысында күтіледі. Мұнда Орта Азия аудандарынан келетін ыстық ауа массаларының әсері сақталады. Бұл аймақтарда синоптиктер негізінен құрғақ ауа райын болжайды. Тек оңтүстік-шығыстың таулы аймақтарында қысқа мерзімді найзағайлы жаңбыр жаууы мүмкін. Күндіз ауа температурасы +41...+46 градусқа дейін көтеріледі, бұл климаттық нормадан жоғары.
Қазақстанда 2026 жылғы шілде қандай болады?
Бұған дейін "Қазгидромет" синоптиктері Қазақстанда шілде айы қарама-қайшы болатынын хабарлаған еді: аптап күндер нөсер жауын, найзағай, екпінді жел және шаңды дауылдармен алмасып отырады. Оңтүстік өңірлерде ауа температурасы кей күндері +45 градусқа дейін жетуі мүмкін. Толығырақ осы жерден оқыңыз.
