Депуттаттар ауыл тұрғындарымен кездесті
Бүгін Қарашеңгел ауылдық округінің сайлаушыларымен халық қалаулылары кезекті кездесу өткізді. Жиынға аудандық мәслихат төрағасы, партия филиалының төрағасы Ғазиз Әліш, партия филиалының Атқарушы хатшысы Нұрғиса Жалғасбаев және аудандық мәслихат депутаты Әділбек Сарабеков қатысты.Ауылдық клубта өткен кездесуде партия филиалының төрағасы Ғазиз Әліш аудан көлемінде атқарылып жатқан жұмыстарға кеңінен тоқталып, әлеуметтік-экономикалық даму бағытында жүзеге асырылып жатқан жобалар мен алдағы жоспарлар туралы баяндады. Сонымен қатар, партияның сайлауалды бағдарламасының орындалу барысы жөнінде ақпарат берді.
Кездесу барысында тұрғындар тарапынан көтерілген мәселелер мен ұсыныстар назарға алынды. Әрбір мәселе мұқият тыңдалып, тиісті түсіндірмелер берілді.
#AMANAT
