Ауыл тұрғындарының ұсыныс-пікірлері тыңдалды
Бүгін Бірлік ауылында аудандық партия филиалының ұйымдастыруымен жергілікті тұрғындармен кездесу өтті. Жиынға "AMANAT" партиясы аудандық филиалының төрағасы, аудандық мәслихаттың төрағасы Ғазиз Әліш және Қызылорда облыстық мәслихатының депутаты, партия фракциясының мүшесі Нұрлан Имандосов қатысты.Кездесу барысында филиал төрағасы Ғазиз Әлмәмбетұлы облыс, аудан көлемінде атқарылып жатқан жұмыстар мен алдағы уақытта іске асатын жобалар туралы кеңінен ақпарат беріп, тұрғындардың сұрақтарына жауап берді.
Ауыл халқы тарапынан электр желілерін қайта жаңғырту, жайылымдық және шабындық жерлердің тапшылығы сияқты мәселелер көтерілді.
Партия өкілдері бұл ұсыныстарды мұқият тыңдап, олардың кезең-кезеңімен шешілуі үшін тиісті жұмыстар қолға алынғанын атап өтті. Атап айтқанда, Бірлік ауылындағы электр желілерін жаңғырту ісі тиісті деңгейдегі кезектілік тәртібімен қарастырылып отыр. Сонымен қатар, ауылдық округке тиесілі жайылымдық жер мәселесі тұрақты бақылауда екені айтылды.
Кездесу соңында тұрғындар атқарылып жатқан жұмыстарға оң бағаларын беріп, өз ризашылықтарын білдірді.
#AMANAT
