Республикалық дәрежедегі ескерткіш
Музей ХХ ғасырдағы Орта Азия мен Қазақстан жастарының көрнекті жетекшісі, қоғам қайраткері Ғани Мұратбаев құрметіне арналған. Ол 1968 жылғы 7 қарашада Қызылорда облысы Қазалы аудандық Кеңесінің шешімімен ашылған.Ғимарат тарихи және туристік құндылыққа ие. ХІХ ғасырдың екінші жартысында Сібірден әкелінген ағаш бөренелерден салынған орыс саудагерінің үйі болған. Кейін Кеңес өкіметі орнаған жылдары бұл ғимаратта алғаш сайланған Еңбекшілер депутаттары Қазалы қалалық Кеңесінің кеңсесі орналасқан.
Қазіргі кезде, музейде экспозициялық залдар саны – 9, көрме залы – 1, сонымен қатар ерекше жер асты бөлмесі бар. Музей қорында шамамен 5000 экспонат сақталған.
Бүгінде Қазалы қаласында орналасқан бұл музей – аймақтың маңызды тарихи ескерткіштерінің бірі. Келушілер саны жылдан-жылға артып, тарихи-танымдық туризмді дамытуға үлкен үлес қосып отыр.
