ҚАЗАЛЫ: АУДАН ӘКІМІ РЕСПУБЛИКАЛЫҚ РЕФЕРЕНДУМДА ДАУЫС БЕРДІ
Бүгін елімізде Мемлекет басшысының бастамасымен республикалық референдум өткізіліп, барша қазақстандықтар саяси науқанға белсене атсалысуда.Еліміздің жарқын болашағына бағытталған саяси науқаннан аудан әкімі Алмасбек Есмахановта қалыс қалмай, Әйтеке би кентіндегі аудандық Оқушылар үйінде орналасқан №56 референдум учаскесіне барып, өз таңдауын жасады.
– Конституция – еліміздің басты құжаты, тәуелсіздігіміздің тұғыры. Ата Заңда мемлекетіміздің негізгі құндылықтары, азаматтардың құқықтары мен бостандықтары айқын көрсетілген. Бүгінгі референдум – ел болашағына бейжай қарамайтын әр азаматтың ортақ жауапкершілігі, – деді аудан әкімі.
Ауданда жалпы 38 референдум учаскесі болса, оның 13-і аудан орталығы Әйтеке би кентінде жұмыс жасауда. Барлық дауыс беру учаскелерінің жұмысы таңғы сағат 7.00-де Мемлекеттік Әнұранмен басталды.
Айта кетейік, барша ел азаматтары үшін референдумда дауыс беру уақыты кешкі сағат 20:00- де аяқталатын болады.
#Референдум2026
#ЕлімҮшінТаңдау
#ҚазалыАуданы
