«ЖІГІТТІҢ СҰЛТАНЫ – 2026» АНЫҚТАЛДЫ

25 ақпан күні Роза Бағланова атындағы аудандық мәдениет орталығының ұйымдастыруымен аты аңызға айналған, қазақ балуаны Қажымұқан Мұңайтпасұлының туғанына 155 жыл толуына орай «Жігіттің сұлтаны – 2026» атты аудандық жігіттер байқауы өткізілді.

Байқауға ауданымыздың намысын ту еткен 20-30 жас аралығындағы 8 үміткер қатысты.

Байқау төрт кезең бойынша жүргізілді. Бірінші кезеңде «Тегімді менің сұрасаң» – кезеңінде жігіттер шежіре мен жеті атасын таныстырды. Екінші кезеңде «Сегіз қырлы, бір сырлы» – өнер мен қолөнер шеберлігін көрсетті. Үшінші кезеңде «Ұлттық киім – ұлт ажары» – сән көрсетілімін көрсетіп , танымдық сұрақтарға жауап берді. Байқаудың соңғы кезеңінде «Білекті жігіт» – қол күресінен күш сынасты.

Байқаудың қорытындысы бойынша

БАС ЖҮЛДЕ-Талғатбек Мағжан /№216 мектеп/

І ОРЫН-Дәуренбек Нұрдәулет /№249 мектеп-лицей/

ІІ ОРЫН -Нұржан Оразғали /Агро колледжі/

ІІІ ОРЫН-Шаханов Жансұлтан /№276 мектеп/

ІІІ ОРЫН -Бозжігіт Данияр /Көлік-техникалық колледжі/

Арнайы номинациялар:

"Қажымұқан" атындағы "Қайсар жігіт" бағамымен -Рүстембек Қажымұқан /Бозкөл ауылы, №96 мектеп/ “Көрермен көзайымы" бағамымен -Алдасберген Дәулет /№266 мектеп/ “Өнерлі жігіт" бағамымен -Жаханша Есбол /№17 мектеп/ арнайы дипломдармен және бағалы сыйлықтармен марапатталды.

Қазылар алқасының төрағасы Табынбаев Есет/“Қазалы” газетінің бас редакторы/

Қазылар алқасының мүшелері- Роза Бағланова атындағы аудандық мәдениет орталығының Ж.Тұрсынов атындағы халықтық театрының режиссері Рсалиева Индира және аудандық спорт клубының қол күресінің аға жаттықтырушысы Рахан Мерей Жанахметұлы әділ бағасын берді.