Үйірменің үйретері көп
Үйірме – бұл оқушылардың немесе белгілі бір ортаның адамдарының жалпы білім беру бағдарламасынан тыс уақытта өз қалауымен, қызығушылығымен және қабілетімен белгілі бір іс-әрекет түрімен тереңдетіп, практикалық тұрғыда айналысуын ұйымдастыратын оқыту және тәрбиелеу үлгісі. Оның жұмысы тұлғаның жан-жақты дамуында және қоғамдық өмірге бейімделуінде ерекше маңызды рөл атқарады.Қазалы қалалық мәдениет Үйі жанынан ашылған үйірмелер тұрақты жұмыс істеп келеді. Кішкентай қатысушылар сұранысынан табылған үйірменің бірі – би үйірмесі. Аңсаған Оспан жетекшілілік ететін қосымшада би өнерінің алғашқы баспалдағын қалыптастырып, сахнада тұру, өз-өзін ұстау, бидің алғашқы тетігін үйрету секілді сабақтар өтуде. Аз уақытта би топтарын жасақталып, өнерлі өрендер түрлі мәдени-көпшілік шаралар мен түрлі деңгейдегі байқауларда бақ сынап келеді.
«ҚАЗАЛЫ» ақпарат
