Бишілер бағындырған белес
Қазалы ауданы бойынша білім бөлімінің №21 «Алпамыс» бөбекжай-балабақшасының «Өрнек» би үйірмесі аудандық «Ботақан» балалар шығармашылығы фестивалінде үздік өнер көрсетіп, облыстық кезеңге жолдама алды. Байқауды Қазақстан Республикалық телерадиокорпорациясы облыстық «QYZYLORDA» телеарнасы ұйымдастырды.Фестивальдің облыстық кезеңінде балабақша тәрбиеленушілері «Би» жанры бойынша қатысып, этно-фольклорлық бағыттағы «Шабыт» би қойылымын көпшілік назарына ұсынды. Көрермендерді ұлттық нақыштағы өрнекті қимылымен тәнті еткен кішкентай бишілер арнайы дипломмен марапатталды. Ал үйірме жетекшісі Айгерім Өтеген еңбегі еленіп, алғыс хатқа ие болды.
Бүгінгі таңда «Өрнек» би үйірмесінің құрамында өнерлі бүлдіршіндер Асылым Сахи, Медина Баймырза, Айкөркем Нұрлан, Ләйлат Орақ, Ажар Жайшылық, Аяла Жылқайдар, Аселия Демекбай, Аяна Сұлтанбекова, Сафия Дулат, Айғаным Әбдінағи, Кәусар Қонақбай, Сезім Жомартова,Фатима Әбдірайым – би әлеміне қадам басып, түрлі шараларда белсенділік танытып келеді.
Өнерлі балғындардың жетістігі – балабақша ұжымының жүйелі еңбегінің жемісі. «Өрнек» би үйірмесі алдағы уақытта да талай белесті бағындырып, жаңа жеңістермен қуанта береді деген сенім бар.
Бекзат АСАН
