Қазалы Қазалы аудандық қоғамдық-саяси газет
» » » Жанайымның жетістігі

Жанайымның жетістігі

Мамырдың 7-10 күндері Алматы қаласында халықаралық балалар мен жастар шығармашылық фестивалі өтті. «Жеті Өнер» шығармашылық орталығының ұйымдастыруымен осымен үшінші жыл қатарынан өткізілген өнер сайысына Қазалы қаласындағы "Ақерке" бөбекжай-балабақшасының кішкентай тәрбиеленушісі Жанайым Байназар да қатысты.

Жанайым "Балдәурен" тобындағы өнерлі балақайлардың бірі. Ол мұны өзі қатысқан бұл байқауда да анық байқатты. "Көркемсөз" жанры бойынша бақ сынаған талантты бүлдіршін 4 жастағылар арасында Сұлтанмахмұт Торайғыровтың "Мен қазақ" өлеңін оқып, бас жүлдеге ие болды. Жанайымды Алматыдағы байрақты бәсекеге дайындаған жетекшісі Айгерім Шманова "Үздік тәлімгер" кубогы және Құрмет грамотасымен марапатталды

Бұған дейін де бірнеше республикалық жарыстарға қатысып, үздік өнерімен ерекшеленген кішкентай Жанайым Жұлдызханқызына өнерің өрге жүзсін деген тілегімізді білдіреміз!
Ж.СОВЕТҰЛЫ
16 мамыр 2019 ж. 73 0

Жаңалықтар мұрағаты

«    Мамыр 2019    »
ДсСсСрБсЖмСбЖс
 12345
6789101112
13141516171819
20212223242526
2728293031