Темір жол – өмір жолы
Теміржолға деген махаббаты мен адалдығын ұрпақтан ұрпаққа жалғасып келе жатқан әулеттің бірі бізбіз. Мен теміржолшылар әулетінің 9-шы ұрпағымын.Біздің отбасымыздағы алғаш теміржолшы – Орынбор -Ташкент теміржолының құрдасы, арғы атам Бәсен Тілепбергенов екен. Ол 1921 жылдан– 1962 жылға дейін жол жөндеуші, жол шебері болыпты. Жары, үлкен әжем Күнжәмила Ұлы Отан соғысы жылдары ер азаматтардың майданға аттанып, жұмыс күші тапшы болған кезде жұмысқа араласып, сол кездегі р38 рельстердің ақауын анықтап, уақытылы хабарлап отырған. Олардың ұлы Жасағанберген атам пойыздар қозғалысының қауіпсіздігін сақтап,темір жол желісінде еңбегінің жемісін ұрпағына жаратқан ұрпақтар сабақтастығын жалғаған жұмысшы отбасының тірегі.
Әкем Аманкелді Тілепбергенов 19 жасында жол жөндеуші болып еңбек жолын бастаса, 2021 жылдан бері жол бригадирі болып қызмет атқарады.
Өзім бірнеше буын білім алған Қазалы көлік-техкикалық колледжін 2019 жылы үздік дипломмен тәмәмдап, Алматы көлік логистика университетіне грантқа оқуға түстім. 2021жылы жылдамдатылған екі жылдық бөлімінен жоғары білім алып шықтым. Бүгінде болат жолының бойында Сексеуіл станциясына қарасты ПЧ-59 жол дистанциясында 4 дәрежелі жол жөндеуші болып жұмыс істеймін.
біз үшін темір жол өмірдің жолы іспетті. Қазалы көлік-техникалық жоғары колледжінен түлеп ұшып, Сексеуіл кентіндегі білікті жұмысшы мамандығын меңгеріп, шойын жолдың бойынан тағдырын таңдаған ұрпақ сабақтастығы күнге дейін киелі теміржол бойында бақытын еңбектен тауып келеді.
Серік ЖАСАҒАНБЕРГЕН
