Қазалы Qazaly.kz ақпараттық агенттігі
» » Өндіріс пен өркендеудің өзегі

Өндіріс пен өркендеудің өзегі

Қазалы өңірінің әлеуметтік-экономикалық дамуына серпін беріп отырған өндіріс ошағының бірі – көпсалалы қызметімен елге танылған «РЗА» акционерлік қоғамы. Бұл іргелі кәсіпорын екі онжылдықтан астам уақыт бойы ауыл шаруашылығын өркендетіп, аймақ экономикасының дамуына зор үлес қосып келеді. 800-ге жуық адамды тұрақты жұмыспен қамтып отырған қоғам өңірдің еңбек әлеуетін арттырумен қатар, жергілікті өнім сапасын жаңа деңгейге көтеріп отыр.
Осыған орай аудан әкімі Алмасбек Есмаханов жұмыс сапары барысында «РЗА» акционерлік қоғамының тыныс-тіршілігімен танысты. Аудан басшысына атқарылып жатқан жұмыстар жөнінде «РЗА-Асыл түлік» ЖШС директоры Мұрат Имандосов кеңінен мәлімет берді.
«РЗА» акционерлік қоғамы 2000 жылдан бері тұрақты жұмыс жасап келе жатқан ірі кәсіпкерлік құрылым. Қоғам құрамына «Рза-Агро», «Рза-транс», «Рза-Сүт», «Рза-Асыл түлік», «Рза-Нан», «Рза-Мұнай-Газ-құрылыс» және өндірістік жабдықтау бөлімі секілді алты жауапкершілігі шектеулі серіктестік енеді.
Аталған құрылымдардың арасында «Рза-Агро» ЖШС су үнемдеу технологияларын енгізген өңірдегі алдыңғы қатарлы ауыл шаруашылығы кәсіпорындарының бірі. Негізгі бағыты – ауыл шаруашылығы өнімдерін өндіру және өңдеу. Биыл шаруашылық 4437 гектар жерге егін егіп, оның 2238 гектарына күріш, 419 гектарына жүгері, 702 гектарына жаңа жоңышқа және 1347 гектарына ескі жоңышқа орналастырды. Бүгінде мұнда 210 адам тұрақты жұмыспен қамтылған.
Аудан әкімі Алмасбек Есмаханов сапар барысында «Рза-Сүт» зауытының жұмысымен де танысты. Мұнда шығарылатын, Сыр елі тұрғындарына кеңінен танымал «Дәмді» сауда маркасындағы өнімдердің сапасына жоғары баға берілді.
Қызылорда облысының құрметті азаматы, «Құрмет», «Парасат» және ІІІ дәрежелі «Барыс» ордендерінің иегері Самұрат Имандосов басқаратын акционерлік қоғам бүгінде еліміздегі ғана емес, шетелдік нарықтағы беделі жоғары кәсіпорындардың бірі. «РЗА» өнімдері Еуропа елдеріне де экспортталуда.
Айта кетейік, 2011 жылы кәсіпорын өнімі «Қазақстанның үздік тауарлары» республикалық байқауының жүлдегері атанса, 2014 жылы «Алтын сапа» сыйлығының «Халық тұтынатын тауарларды шығаратын үздік кәсіпорын» номинациясы бойынша жеңімпаз болған.
А. ЖҮСІПОВА
14 қазан 2025 ж. 244 0

Бірегей тұлға

29 қараша 2025 ж. 27

Кезектен тыс сессия өтті

29 қараша 2025 ж. 27

Бауырын берген бауыр

29 қараша 2025 ж. 33

Руханият

Мен өмірді қалаймын

Мен өмірді қалаймын

08 қараша 2024 ж.
Мен өмірді қалаймын.

Мен өмірді қалаймын.

08 қараша 2024 ж.
Мен өмірді қалаймын

Мен өмірді қалаймын

07 қараша 2024 ж.
Мен  өмірді қалаймын!

Мен өмірді қалаймын!

07 қараша 2024 ж.
Мен өмірді қалаймын

Мен өмірді қалаймын

04 қараша 2024 ж.

Жаңалықтар мұрағаты

«    Қараша 2025    »
ДсСсСрБсЖмСбЖс
 12
3456789
10111213141516
17181920212223
24252627282930