Қызылорда қаласында үшем дүниеге келді, деп хабарлайды ҚазАқпарат тілшісі.

Үш қыздың анасы 33 жастағы Назерке Шаттыққызы Ахметова болса, әкесі - Жасұлан Өксікбаев қалалық жергілікті полиция қызметі басшысының орынбасары қызметін атқарады. Ерлі-зайыптылар қыздарына Айлина, Жасмина, Мәдина деп есім берген. Отбасының бұған дейін бір ұл мен бір қыз болған.

Бүгін Қызылорда қаласында орналасқан «Ана мен бала» орталығында үшемдерді салтанатты түрде шығарып алу рәсімі болып өтті.

Айта кетерлігі, 2018 жылдың І жартыжылдығында облыс орталығында 941 бала дүниеге келген. Өткен жылдың осы уақытымен (892) салыстырғанда 44 балаға өсім бар. Оның 501-і ер, 440 қыз бала. Жыл басынан бері 16 егіздер Қызылорда қаласының тұрғындары атанған.