Кезекті фракция отырысында сайлауалды уәделердің орындалуы қаралды
Бүгін аудандық мәслихаттағы «AMANAT» партиясы депутаттық фракциясының отырысы өтті. Жиында партияның сайлауалды бағдарламасының және партия атынан ұсынылып сайланған ауылдық округ әкімінің сайлауалды уәдесенің орындалуы туралы қаралды.Күн тәртібіндегі бірінші мәселе бойынша аудандық тұрғын үй коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Жасұлан Сыдықов хабарлама жасады. Ол партияның сайлауалды бағдарламасын іске асырудың Жол картасындағы инфрақұрылымдық жүйелерді жақсарту бағытындағы орындалмау тәуекелі бар іс-шаралар жөнінде баяндады. Атап айтқанда, бұл шаралар жергілікті маңызы бар автомобиль жолдарын салу, қайта жаңарту және күрделі әрі орташа жөндеу жұмыстарына қатысты.
Фракция депутаттары өз кезегінде аталған мәселелерді жыл соңына дейін орындау бойынша ұсыныстарын білдірді.
Мұнан соң Сарыбұлақ ауылдық округі әкімі Руслан Жаңабаев сайланған уақыттын бастап атқарған жұмыстарына тоқталды. Бүгінде сайлауалды бағдарламасында жоспарлаған жұмыстардың басым бөлігі орындалған. Партия депутаттары әр тармақ бойынша сауалдарын қойып, шешімі таппаған мәселелер бойынша бірлесе жұмыс жүргізілетінін атап өтті.
#AMANAT
