Жиынға аудандық партия филиалының Атқарушы хатшысы, фракция жетекшісі Нұрғиса Жалғасбаев төрағалық етіп, күн тәртібінде «AMANAT» партиясынан ұсынылып сайланған Өркендеу ауылдық округі әкімінің сайлауалды бағдарламасының орындалуы мен аудан халқына медициналық қызмет көрсетудің қолжетімділігі мен сапасын арттыру бағытында атқарылған жұмыстар жөнінде қаралды.

Күн тәртібіндегі бірінші мәселе бойынша Өркендеу ауылдық округінің әкімі Қуанғали Қожахметов хабарлама жасап, фракция мүшелері тарапынан ауыл халқына берілген сайлауалды уәделердің орындалуы бойынша жұмыстар тұрақты жүргізілу керектігі айтылды.

Мұнан соң фракция отырысында қаралған екінші мәселеге орай Қазалы ауданаралық ауруханасы бас дәрігерінің орынбасары Күншығар Әбілов баяндама жасады. Жиын қорытындысымен фракция мүшелері тарапынан бірқатар ұсыныс пікірлер айтылып, тиісті қаулылар қабылданды.

#AMANAT