Қазақстанда ең арзан үйді қай өңірден сатып алуға болады

Ulysmedia.kz коллажы

Аналитиктер елдің 18 қаласындағы екінші деңгейлі тұрғын үй нарығындағы ұсыныстарды зерттеген.

Krisha.kz сарапшылары есептеу кезінде пәтерлердің орташа аудандарын негізге алды:

1 бөлмелі пәтер — 35 шаршы метр;

2 бөлмелі пәтер — 47 шаршы метр;

3 бөлмелі пәтер — 70 шаршы метр.

Зерттеу нәтижесінде республика бойынша пәтерлердің орташа бағасы төмендегідей болды:

1 бөлмелі пәтер — 13,6 млн теңге;

2 бөлмелі пәтер — 18,3 млн теңге;

3 бөлмелі пәтер — 27,3 млн теңге.

Екінші деңгейлі нарықтағы ең төмен бағалар Қызылорда қаласында тіркелген. Бұл барлық форматтағы пәтерлерге қатысты:

1 бөлмелі пәтер — 8,7 млн теңге;

2 бөлмелі пәтер — 11,7 млн теңге;

3 бөлмелі пәтер — 17,5 млн теңге.

Сондай-ақ, ең арзан баспана сатылатын қалалар қатарында Тараз, Ақтөбе, Талдықорған және Көкшетау бар.

Екінші деңгейлі нарықтағы ең қымбат баспана Алматыда. Мұнда бір шаршы метрдің орташа бағасы — 751 055 теңге. Бұл көрсеткіш ең жақын «бәсекелес» қалаға қарағанда 233 000 теңгеге жоғары.

Алматыдағы сәуір айындағы пәтер бағалары:

1 бөлмелі пәтер — 26,3 млн теңге;

2 бөлмелі пәтер — 35,3 млн теңге;

3 бөлмелі пәтер — 53 млн теңге.

Алматыдан кейінгі қымбат қалалар тізімінде Астана мен Шымкент тұр.