Ән мен шаттыққа толы наурыз шеруі

Фото: Ернұр Кама

Жылылық пен жаңғырудың жаршысы болған әз-Наурыз мерекесі қарсаңында «AMANAT» партиясы Қазалы аудандық филиалы жанындағы «Дарын» бастауыш партия ұйымының мүшелері ақ жаулықты әжелермен бірге орталық көшелер мен базар маңында жүріп өтіп, елге ерекше мерекелік көңіл күй сыйлады.

Ұлттық киім киген әжелер мен бастауыш партия ұйымының мүшелері көше бойында ән шырқап, тұрғындарға Наурыздың шаттығын тарту етті. Көңілге қуаныш сыйлаған бұл әсерлі сәт үшін көпшілік өз ризашылықтарын білдіріп, ақ тілектерін жаудырды.

Осылайша, ұлттық құндылықтарды дәріптеп, үлкенге құрмет, кішіге ізет көрсетілген Наурызнама онкүндігінің тағы бір жарқын күні есте қаларлық әсерлі сәттермен толықты.

#AMANAT

#ДарынБПҰ

#Наурызнама