Жасөспірімдердің қауіпсіздігі күн тәртібінен түспеуі тиіс
Фото: Қазалы ауданы әкімінің баспасөз қызметі Бүгін аудан әкімінің орынбасары Жәнібек Алиевтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысы өтті.
Комиссия отырысында күн тәртібіне сәйкес 5 мәселе қаралып, тиісті шешімдер қабылданды.
Жиында мектеп оқушылары мен жасөспірімдер арасындағы түрлі құқықбұзушылықтар, олардың денсаулығы мен суицидке баруы, әлеуметтік жетімдіктің алдын алу шаралары мен білім бөлімдері жанындағы қамқоршылық, қорғаншылық органдардың жұмыстары және колледж студенттері арасындағы құқық бұзушылықтың алдын алу бағытындағы атқарылып жатқан жұмыстар және алдағы міндеттер сынды мәселерлер талқыланды.
Фото: Қазалы ауданы әкімінің баспасөз қызметі Комиссия төрағасы Жәнібек Алмасұлы комиссияда қаралған мәселелердің бүгінгі таңдағы өзектілігі өте жоғары екендігін жеткізіп, балалардың қауіпсізідігі үшін бірлесе жұмыс жасауға шақырды. Сонымен қатар әрбір мәселе бойынша жауаптыларға нақты тапсырмалар жүктеп, кемшіліктерге жол бергендерге тиісті шара көру жөнінде тапсырма берді.
Қазалы ауданы әкімінің баспасөз қызметі
