Жасөспірімдердің қауіпсіздігі күн тәртібінен түспеуі тиіс
Аудан әкімінің орынбасары Дәурен Тілеумбетовтің төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссияның кезекті отырысы өтті.Жиынға комиссия мүшелері, полиция органдары, денсаулық сақтау мен білім беру ұйымдарының жауапты қызметкерлері қатысты. Күн тәртібінде өзекті деген 1 мәселе қаралды.
Күн тәртібінде қозғалған мәселе бойынша №204 орта мектептің директоры Ләззат Ізбасқан баяндама жасаса, оған қосымша аудандық полиция бөлімінің жергілікті полиция қызметі бөлімшесінің ювеналды полиция тобының аға инспекторы, полиция майоры Махаббат Бегалиева кеңінен тоқталып өтті.
Отырыста қаралған мәселеге орай комиссия мүшелері өздерінің ұсыныс-пікірлерін ортаға салып, жан-жақты талқыланды.
Жиын соңында комиссия төрағасы Дәурен Оңғарбайұлы комиссия отырысында қаралған мәселеге қатысты жауапты мекемелерге нақты тапсырмалар беріп, бала тәрбиесі мен қауіпсіздігі ұдайы назарда болу қажеттігін айтты.
