Қазалы Qazaly.kz ақпараттық агенттігі
» » Балалардың қауіпсіздігі –басты назарда

Балалардың қауіпсіздігі –басты назарда

Қазалыда аудан әкімінің тапсырмасына орай жасөспірімдер арасындағы құқық бұзушылықтың алдын алу бағытындағы жұмыстар жалғасуда.
Қазалы ауданы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның төрағасы, аудан әкімінің орынбасары Дәурен Тілеумбетовтың төрағалығымен Әйтеке би кентіндегі №266 мектеп-лицей мен №170 мектеп, Қазалы қаласындағы №16 мектеп-лицейде комиссияның көшпелі отырысы өтті.
Көшпелі комиссия отырыстарына аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссиясы мүшелері, мектеп директорлары мен мұғалімдер, ата-аналар және жоғары сынып оқушылары қатысты.
Комиссияның күн тәртібіндегі кәмелетке толмағандардың істері және олардың құқықтарын қорғау жөніндегі комиссияларда тұрмыстық зорлық-зомбылық, жыныстық қол сұғылмаушылық қылмыстарының құрбаны болуы деректерінің қаралуы, көрсетілген көмектер туралы аудандық полиция бөлімі бастығының орынбасары Ғанибек Құрманалиев, кәмелетке толмағандардың ерте жүктілігі, оның ішінде он алты жасқа толмаған кәмелетке толмағанның жүктілігі жөнінде Қазалы көпбейінді аудандық ауруханасы бас дәрігерінің орынбасары Айымкүл Ещанова хабарлама жасап, осы бағытта атқарылып жатқан жұмыстарға тоқталды.
Басқосу барысында комиссия мүшелері, аудандық мәдениет және спорт бөлімінің басшысы Болат Жолтаев, аудандық мәслихат депутаты Эльмира Нұрмағамбетова және аудандық жалпы білім беретін кешкі мектеп директоры Жора Қартқожақ күн тәртібіндегі өзекті мәселелерге байланысты сөз қозғап, ой-пікірлерімен бөлісті.
Сондай-ақ, ата-аналар да өздерінің балалар тәрбиесіне қатысты ұсыныстарын айтты.
"Қазалы"ақпарат
11 қазан 2023 ж. 118 0

Берекелі іске баулыған

15 маусым 2024 ж. 127

Көпбалалы әке көпке үлгі

15 маусым 2024 ж. 135

Халыққа сапалы қызмет

15 маусым 2024 ж. 117

Жаңа зауыт іске қосылды

15 маусым 2024 ж. 115

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930