Қазақстанда ұзақ жылдар бойы табыс әкелетін алты сала аталды

Кеңесші атап өткен алты бағыт

Қазақстан Президентінің кеңесшісі Райымбек Баталов ел экономикасына алдағы ондаған жыл бойы қомақты табыс әкеле алатын алты саланы атады.
Ол Digital Business басылымына берген сұхбатында Қазақстанның табиғи ресурстары мен географиялық мүмкіндіктерін тиімді пайдалану қажеттігін айтты.
Кеңесші атап өткен алты бағыт:

1. Өсімдік шаруашылығы – астықты сатумен шектелмей, ауыл шаруашылығы өнімдерін терең өңдеу.
2. Мал шаруашылығы – ет өндірісінің өзіндік құнын төмендетіп, өңдеу кәсіпорындарын дамыту.
3. Тау-кен өнеркәсібі – уран, сирек кездесетін металдар және басқа да пайдалы қазбаларды игеру.
4. Көлік және логистика – Қазақстанның халықаралық транзиттік әлеуетін пайдалану.
5. Энергетика және цифрлық технологиялар – деректерді өңдеу орталықтарын салып, цифрлық қызметтерді дамыту.
6. Туризм – шетелдік туристерді тарту және туристік қызмет көрсету саласын кеңейту.

Райымбек Баталовтың пікірінше, Қазақстан тек шикізат экспорттаумен шектелмей, дайын өнім шығаратын ірі отандық компанияларды дамытуы қажет. Бұл елдің халықаралық нарықтағы бәсекеге қабілеттілігін арттыруға мүмкіндік береді.

aikyn.kz