Елді мекендерді газдандыру жұмыстары партия назарында
Фото: Ернұр Кама«AMANAT» партиясының Сайлауалды бағдарламасының ауданда орындалу барысын жүйелі бақылап отыру үшін бірқатар құрылыс, инфрақұрылым жобаларын жүргізу және т.б. нысандарда партиялық бақылау бекеттері қойылып, жұмыс жасап келеді. Осы мақсатта Ақтан батыр ауылындағы орамішілік газ желілерін жүргізу жұмыстары үшін партиялық бекет жұмысын бастады.
Бүгін партия филиалының Атқарушы хатшысы, Партиялық бақылау комиссиясының мүшесі Нұрғиса Жалғасбаев пен комиссия төрағасы, аудандық мәслихат депутаты Әділбек Сарабеков тиісті сала мамандарымен аталған ауылдаы табиғи газға қосу жұмыстарын көрді.
Мердігер мекеме «Строительная компания Орда-Құрылыс» ЖШС-мен жоба бойынша 17,5 км орта және төмен қысымды газ желісі жүргізілген. Тұрғын үйлерге дейінгі құбырларды тарту жұмыстары да аяқталған. Қазіргі таңда газ желісін сынақтан өткізу жұмыстары жүріп жатыр.
Мұнан соң партия өкілдері Жанқожа батыр, Бекарыстан би, Майдакөл, Түктібаев елді мекендеріне магистральды газ құбырларын жүргізу жұмыстарын көрді. Мердігер мекеменің өкілдерімен кездесіп, газдандыру жұмыстарының сапасына қатысты бірақтар ұсыныс-пікірлерін айтты.
#AMANAT
