Бензин қымбаттады
Көлік министрі Марат Қарабаев бензиннің қымбаттауы нарыққа қалай әсер ететінін түсіндірді, деп хабарлайды BAQ.KZ тілшісі.Қарабаевтың айтуына қарағанда, әуе керосині бұрыннан нарықтық бағамен жүреді. Сондықтан (бензиннің қымбаттауы – ред.) оған ешқандай әсер етпейді.
Пойыз билетінің бағасын мемлекет реттейді. Сол себепті пойыз билетінің құнын көбейтуді жоспарлап отырған жоқпыз. Ал такси қызметі бойынша, жанармай нарыққа беріліп жатыр. Оны (бағаны – ред.) нарық айқындайды.
Қазір де такси қызметінің бағасы нарықта. Яғни оны мемлекет реттемейді. Бірақ күні кеше өзін-өзі реттеу туралы заң жобасында осы мәселені талқыладық. Заң жобасы шеңберінде алпауыт интернет агрегаты мен такси жүргізушілері өзара келісімге келсе болады. Мысалы, 1 шақырым жол қанша теңге болады немесе агрегаттардың пайызын келісе алады, - деп түсіндірді Көлік министрі Үкіметте өткен брифингте.Еске сал кетейік, 2026 жылы автожолға қатысты жаңа платформа іске қосылады. 2025 жылы 13 мың шақырым жол жөнделетіні туралы осыған дейін жаздық. Ал 2 жылдан кейін Қазақстанның барлық жолында интернет болады.
