Қазақстанда 26 млн ұялы байланыс абоненті тіркелген
Дерекке қарағанда, биылғы 10 ай ішіндегі жалпы байланыс саласындағы қызметтер көлемі 1,1 трлн теңгеге жетті, оның ішінде 52,5%-ы интернет қызметтеріне тиесілі.
Фото: inbusiness.kzҰлттық статистика бюросы ұялы байланыс абоненттерінің санына қатысты деректі жариялады, деп хабарлайды inbusiness.kz сайты.
"2024 жылғы 1 қарашаға Қазақстанда 26 млн ұялы байланыс абоненті тіркелген, бұл өткен жылдың сәйкес кезеңімен салыстырғанда 3,6%-ға көп. Абоненттердің жалпы санының 18,7 млн-ы интернетке қосылған, бір жылдағы өсім – 4,8%. Ұялы байланыс абоненттерінің тығыздығы 100 адамға шаққанда 129 бірлікті құрады, оның ішінде 93 абонент интернет желісіне қосылған", – деп жазды статбюродан.
2024 жылғы қаңтар-қазан аралығында ұялы байланыс саласында көрсетілген қызметтердің көлемі 191,3 млрд теңгеге жеткен, бұл өткен жылдың сәйкес кезеңімен салыстырғанда 14,4%-ға төмен.
