Қазалы ауданында тұрақты тұқымбақ құрылысы аяқталды
Дүниежүзілік Банктың қайтарымсыз қаржы есебінен «Қазақстан ландшафттарын қалпына келтіру жөніндегі» жобасы аясында 2022 жылдан бастап облысымызда екі жоба жүзеге асты. Бүгінгі таңда аталған жоба аясында Қазалы ауданында сексеуіл және саялы ағаш көшеттерін дайындау үшін 33,5 гектар тұрақты орман тұқымбағының жұмыстары толығымен аяқталды.
Қазіргі уақытта, аталған жобаны облыс теңгеріміне алу жұмыстары жүргізілуде. Жоба құны 440,7 млн. теңге. Басқарма басшысы С. Сермағамбетов Қазалы ауданынан арнайы барып, жұмыс барысымен танысты. Жауапты мердігерге тұқымбақтың құжаттарын тездетіп рәсімдеуді тапсырды.
Айта кетерлік, тұрақты орман тұқымбағы облыс теңгеріміне алғаннан кейін 52 адам тұрақты жұмыспен қамтылады деп күтілуде.
