Электрондық шот-фактурадан алынған мәліметтер салық құпиясына жатқызылды
Фото: freepikҚаржы министрлігі мен жоғары аудиторлық палата 2024 жылғы 8 қарашадағы бірлескен бұйрықпен салық төлеушінің жазбаша рұқсатын және ұсынылатын мәліметтер тізбесін алмай, салық құпиясын құрайтын салық төлеуші туралы мәліметтерді ұсыну қағидаларын толықтырды, деп хабарлайды Zakon.kz.
Салық төлеушінің (салық агентінің) жазбаша рұқсатын алмай, салық құпиясын құрайтын салық төлеуші (салық агенті) туралы уәкілетті мемлекеттік аудит және қаржылық бақылау органына мемлекеттік кірістер органдары ұсынатын мәліметтердің тізбесі электрондық шот-фактурадан алынған мәліметтермен толықтырылды.
Мұндай мәліметтер:
Жеткізушінің деректемелері;
Алушының деректемелері;
жүк жөнелтушінің және жүк алушының деректемелері;
тауарлар, жұмыстар, көрсетілетін қызметтер бойынша деректер, оның ішінде: тауарлар, жұмыстар, көрсетілетін қызметтер бойынша деректер, оның ішінде тауардың атауы, шығарылған белгісі, ЕАЭО сыртқы экономикалық қызметінің тауар номенклатурасының коды, өлшем бірлігі, саны, бағасы, құны, акцизі, ҚҚС, кедендік декларацияға сілтеме (импорт кезінде), жасалған күні, айналым.
Естеріңізге сала кетейік, бұл тізімге мыналар кіреді:
салық төлеушілердің дербес шоттары және олар бойынша деректер;
салық төлеушілердің салық нысандары және олар бойынша деректер;
салық төлеушілердің Қазақстан Республикасының Салық және өзге де заңнамасы нормаларын орындауын салықтық бақылау нәтижелері туралы мәліметтер;
салық төлеушілердің мемлекеттік дерекқорынан мәліметтер;
салық төлеушілер бойынша салықтарды, бюджетке төленетін басқа да міндетті төлемдерді, өсімпұлдар мен айыппұлдарды есепке жатқызу және қайтару туралы мәліметтер;
салық төлеушілер бойынша салық міндеттемесінің мерзімінде орындалмаған орындалуын қамтамасыз ету тәсілдері туралы мәліметтер;
салық төлеушіге қолданылған салық берешегін мәжбүрлеп өндіріп алу шаралары туралы мәліметтер;
салықтық тексеру нәтижелеріне және лауазымды тұлғалардың әрекеттеріне (әрекетсіздігіне) шағымдану туралы деректер;
салық төлеушілер және салық салу объектілері, сондай-ақ салық төлеушілер жүзеге асырған операциялар бойынша мәліметтер беретін уәкілетті органдардың ақпараты;
салықтар мен айыппұл санкцияларын есептен шығару туралы ақпарат (қабылданған заңдар мен мемлекеттік органдардың есептен шығару туралы актілерінен кейін өсімпұлдар мен айыппұлдар);
салық төлеушілердің салық есептілігі негізінде қалыптастырылған талдамалық есептер.
Бірлескен бұйрық пен нормативтік қаулы 2024 жылдың 8 қарашасында күшіне енді.
