Қазақстанға активтерді қайтару: 8 миллиард теңгеге жуық қаражаттың қайда жұмсалатыны белгілі болды
Сурет: Үкімет баспасөз қызметіҚазақстанға қайтарылған активтерден 8 миллиард теңгеге жуық қаражатқа не салынатыны белгілі болды, деп хабарлайды KYN.KZ ақпарат агенттігі Үкіметтің баспасөз қызметіне сілтеме жасап.
Баспасөз қызметі мәліметінше, Үкімет Ақтөбеде ерекше балаларға арналған арнайы балабақша салуға шамамен 7,8 миллиард теңге бөлу туралы шешім қабылдады. Балабақшаның ашылуы 300 ерекше баланы тәрбие және түзету көмегімен қамтамасыз етеді.
"Мекеме мектеп жасына дейінгі балаларға жайлы болу, дамыту және оқыту үшін барлық қажетті заттармен жабдықталады. Бүгінде облыста ерекше білім беруді қажет ететін 3 жастан 6 жасқа дейінгі 2523-тен астам бала бар, олардың 1320-ы мектепке дейінгі біліммен қамтылған. Қазір облыс бойынша 4 арнайы түзету балабақшасы жұмыс істейді. Жобаны іске асыру қажетті инфрақұрылымды құруға және ерекше қажеттіліктері бар балаларды дамыту мен тәрбиелеуді қамтуды кеңейтуге мүмкіндік береді", - делінген хабарламада.
